"NUN EXISTEN RAZONES TÉCNIQUES QUE LLEVEN A ESTA SOLUCIÓN DE COMPROMISU" La Xunta pola Defensa de la Llingua caltién la "insuficiencia" del Minor y el Conceyu Universitariu espresa la so satisfaición
21/11/2008 Organizaciones que defenden la llingua asturiana mostraron güei postures diferentes, tres l'aprobación de la propuesta de Minor d'asturianu na Xunta de la Facultá de Filoloxía Asturiana. Mientres el Conceyu Universitariu pol Asturianu mostró la so satisfaición, la Xunta pola Defensa de la Llingua cualtién la crítica de "insuficiente" carga llectiva d'estos estudios.
"NUN ENTIENDO POR QUÉ'L DECANU NUN PRESENTÓ L'ANTERIOR PROPUESTA" Ana Cano critica que'l decanu de Filoloxía nun recuperare la so propuesta d'estudios d'asturianu, superior al Minor
21/11/2008 La presidenta de l'Academia de la Llingua Asturiana, Ana Cano, y ex decana de la Facultá de Filoloxía, afirmó güei nun entender por qué'l Decanatu nun presentó a la votación de la Xunta de la Facultá d'esta mañana, la so antigua propuesta d'estudios de llingua asturiana, en llugar del Minor de 48 creitos, aprobáu a lo último.
MENOS DEL 30% DE LOS VOTOS APOYEN A DE CASTRO L'asturianu entra como "Minor" nos planes d'estudiu de Filoloxía
20/11/2008 La Xunta de la Facultá de Filoloxía Asturiana aprobó güei la propuesta del decanu, José Antonio Martínez, d'inclusión del asturianu como Minor (bloque d'asignatures de 48 creitos), lo qu'inxerta a la llingua asturiana dientro de les enseñances de la Filoloxía a un nivel inferior al restu de les llingües ufiertaes.
EL DIRECTOR DE VENTES DIZ QUE LA "COMPAÑÍA NUN PODÍA FUNCIONAR SI LOS SOS VUELOS SE LLENDAREN DE PUNTU A PUNTU" Iberia almite la reducción de vuelos ente Asturies-Madrid en xineru y febreru por "axustes típicos en toles rutes"
20/11/2008 El director de Ventes d'Iberia pa España, Javier Alonso, almitió güei que la compañía aérea va amenorgar les sos conexones ente Asturies y Madrid. Alonso esplicó que'l tráficu aereu va pasar de nueve vuelos a ocho demientres los meses de xineru y febreru por "axustes típicos en toles rutes". "Lo mesmo va pasar nos aeropuertos de munches ciudaes españoles", apuntó.
72 MUERTES POR CADA 100.000 HABITANTES Asturies ye la segunda comunidá con más tasa de mortalidá n'homes por cáncer de pulmón
20/11/2008 Asturies ye la segunda comunidá con más tasa de mortalidá n'homes por cáncer de pulmón. Según un estudiu realizáu pol Grupu Español de Cáncer de Pulmón, la tasa de mortalidá nel Principáu ye de 72 muertes por cada 100.000 habitantes.
N'España se diagnostiquem unos 20.000 nuevos casos de cáncer de pulmón cada añu, que representen el 12% de tolos cánceres, el 2% en muyeres. La so mortalidá ye la más elevada de tolos cánceres, el 20% del total, superior a la suma de les muertes por cáncer de mama, próstata y colon.
EL PRESIDENTE FIRMÓ GÜEI UN ACUERDU D'HERMANAMIENTU COL SECRETARIU XENERAL DEL PARTÍU COMUNISTA DE LA PROVINCIA CHINA DE ZHEJIANG Areces anuncia que'l Principáu tramita l'abertura d'un centru d'enseñu de chinu n'Asturies
19/11/2008 El presidente del Principáu d'Asturies, Vicente Álvarez Areces, anunció güei que'l Gobiernu autonómicu ta tramitando la solicitú p'abrir una sede del Institutu Confucio n'Asturies y pidió a la embaxada China n'España poder contar cola collaboración de la Provincia Popular de Zhejiang.
"Dimos los primeros pasos pa l'abertura n'Asturies d'una delegación del Institutu Confucio d'idioma y cultura china, solicitando de la Embaxada China, que la pronvincia de Zhejiang, collabore con nós nesti proyeutu cultural", esplicó Areces.
SEGÚN CARLOS GALCERÁN, TA CREÁNDOSE "UN MAL AMBIENTE LLABORAL QUE VAN PAGAR LOS PACIENTES" El PP pide a Areces el cese del conseyeru de Salú pol "deterioru del sistema d'Atención Primaria"
19/11/2008 El Partíu Popular exixó al presidente del Principáu, Vicente Álvarez Areces, la destitución del conseyeru de Salú, Ramón Quirós, pol "deterioru" y "la situación caótica" que sufre l'Atención Primaria, a xuiciu del PP, dende que'l responsable d'esta cartera accedió al cargu.
Asina lo manifestó'l diputáu popular Carlos Galcerán, nuna rueda prensa convocada, p'analizar la situación d'esti sector del sistema de salú n'Asturies, y concretamente, l'enfrentamientu que la Conseyería caltién col sindicatu mélicu Simpa, de cara a la reforma de l'Atención Primaria.
EDITADA POR SUBURBIA Xurde Fernandez presenta "La espera" en Mieres
L'escritor candsín Xurde Fernández presenta esti vienres 21 la so primer novela escrita en solitario "La Espera" (Suburbia ediciones) dempués de dase a conocer apocayá col llibru "El color del escaezu" escritu a comuña con Marián Rodríguez. L'actu va tener llugar esti vienres 21 a les 19 hores na casa de cultura de Mieres, contandose coles intervenciones de los escritores Xandru Fernández y Pablo TExón Castañón.
FIN DE XIRA DE PRESENTACIÓN DE CANTEROS Conciertu de Felpeyu en La Felguera
Con un conciertu nel Nuevu Teatru La Felguera, Felpeyu va poner remate a la xira presentación del so trabayu Canteros. Felpeyu, grupu de referencia de la música asturiana fundáu en 1991, trabaya col fondu musical tradicional asturianu creando un discursu musical personal, potente y actual.
LLITERATURA INFANTIL Preséntase l'últimu llibru de María Luz Pontón
Esti vienres 21 de payares la escritora Maria Luz Pontón va presentar el so últimu trabayu lliterariu, entituláu "¡Como me pudisti engañar d'esa manera!", editáu por Madú Ediciones. L'actu va desarrollase na llibrería Paraxuga d'Uviéu a partir de les 19.30 hores y va contar cola participación de los escritores Vicente García Oliva y Chechu García, y del editor Cristian Velasco, amás de la propia autora.
LOS ECOLOXISTES TAMIÉN SE REFIRIERON A LA REINTRODUCCIÓN DEL FRANGÜESU Y A LA ELIMINACIÓN DE LLOBOS Ecoloxistes refugen la xestión conxunta de Picos d'Europa pol riesgu de "esmembramientu"
Dellos colectivos ecoloxistes mostraron el so refugu al conveniu de collaboración ente les comunidaes d'Asturies, Cantabria y Castiella Lleón pa la xestión del Parque Nacional de Picos d'Europa. A xuiciu de los ecoloxistes, esa xestión nun garantiza la xestión integrada del parque, supón una cesión frente a plantegamientos que persiguen un nivel de proteición, y implica un peligru de "esmembramientu" del área.
PAL PRÓXIMU SÁBADU, 22 DE PAYARES Antifacistes van manifestase'l sábadu en Xixón pa pidir l'absolución de los acusaos polos incidentes de Cangues d'Onís
La Coordinadora Antifacista d'Asturies prepara pal próximu sábadu, 22 de payares, una manifestación antifacista. La convocatoria coincide, como ye habitual, cola celebración, el día 20, del trixésimu tercer aniversariu de la muerte del dictador Franciso Franco, y pretende pidir la llibertá de los 14 acusaos nos incidentes que fai tres años tuvieron llugar en Cangues d'Onís, tres cargar la Guardia Civil escontra una concentración celebrada pa torgar un actu de la organización Democracia Nacional, tachada d'ultraderechista.
Rubén Fernández Ardura fai nesta columna un analís de la "baxada bultable" del fenómenu folk n'Asturies. Rellacionándolo, ente otres coses, col parón na programación de nueches folk; propón una serie de soluciones pa devolve-y a la música de raigañu l'espaciu qu'algamara hai unos años.
Llan de Cubel amuesa una vegada más, nesti trabayu, por qué ye´l grupu meyor valoráu fuera de les nueses llendes. Nesti trabayu ponen música a un poema del padre Galo Fernández, el meyor poeta asturianu del sieglu XX. • más n'ASTURSHOP
