DICIONARIU BASICU DE LA LLINGUA ASTURIANA.

quira · Publicado: Lun Oct 17, 2005 4:05 pm **Asunto**:

todiyu. n.Xuegu de güesos onde se xunten la pierna y el pie. VAR. todiellu, todíu. FAM. todiyera. ||Xugando al balón diéronme una patada nel todiyu.

tol-a-o. Contraición del indefiníu tou coles formes del artículu el. ||Fixo sol tol día. ||Tola xente anda alloriao. ||Yá gastaron toles perres que-yos diera cuando les vi. ||Traxi tolo que me disti. ||Vinieron veme tolos neños cuando tuvi malu.

toldanar. v.Gastar ensin control. SIN. esbardiar, marafundiar. ANT. aforrar. ||Toldanó tolo qu'heredó de so pá.

tolena. n.Castigu físicu. SIN. cuelma, paliza, solmena, somanta, sotripada, tunda, zurra. ||Diéron-y una tolena porque se metió col vecín a lo fato.

tolina. n.Cetaceu mamíferu d'unos tres metros de llargu, focicu allargáu y con un orificiu nasal enriba los güeyos. VAR. toliña. FAM. tolinada. ||Metanes la mar vive la tolina.

tollu. n.Fondigayada en terrenos llentos. SIN. fondigaya, fondigón, fondigonada. ||Cayó nun tollu pela nueche.

tomar. 1. v.Coyer una cosa. SIN. agarrar. SNT. soltar. ||Toma esti piescu y vete a trabayar. 2. v.Comer, beber. ||Pal primer platu tomemos sopa. 3. v.Enllenase un sitiu, atrancase un conductu. ||Nun tengo onde m'asitiar porque ta too tomao. 4. v.Enllenase una superficie llisa con vapor d'agua. ||Fuera la casa ta tan frío que se tomaron tolos cristales. FAM. pertomar, toma, tomador-ora-oro, tomadura, tomamientu, tomáu-ada-ao.

tomate. n.Frutu del tomatal. Cuando madurez ye coloráu y la so carne ye mui sabroso. FAM. tomatazu, tomateru-a-o. ||La llechuga con tomate y bonito fai una bona ensalada.

tonelada. n.Unidá de pesu qu'equival a mil kilos. ||Nel rastru merqué un gatu que tira por venti tonelaes.

too. alv.Dafechu, enteramente. ||Despliqué-ylo bien pero nun s'enteró de too.

topu. n.Mamíferu iniseutívoru de color anegratao que vive debaxo la tierra. Tien los güeyos atrofiaos, el focicu picudu y les uñes perafilaes. VAR. toupu. FAM. topiar, topinar, topináu-ada-ao, topinera, topineru-a. ||El topu aseméyase muncho a los ratos.

torcer. 1. v.Coyer una cosa per dos esctremos xirando caún en sen distintu. SIN. restorcer. ANT. endrechar. ||Agarra esi estremu la cuerda que vamos torcela. 2. v.Curviar daqué. SIN. torniar. ||Les vares de blima tuercen mui mal. 3. v.Cambiar la direición o'l sentíu. SIN. esviar ||Al llegar onde taba'l coche, torcéi pa la drecha. FAM. retorcigañón, torcedura, torcigañón, torcimientu, torcíu-ida-ío, tortigañu.

torga. n.Impedimentu, dificultá. SIN. enzancu, pilancu. ||Nun atopa más que torgues pa facer esti trabayu.

torgar. v.Dificultar el llogru de daqué. SIN. enzancar, apilancar. ANT. facilitar. FAM. torgadura, torgamientu, torgáu-ada-ao. ||Atravesóse un coche metanes la cai y torgábanos el pasu.

torgáu-ada-ao.. ax.Torpe. SIN. atrafayáu-ada-ao, torollu-a-o, xaroucu-a. ANT. amañosu-a-o, llistu-a-o. ||Esi ye mui torgáu pa facelo bien.

tormenta. n.Mal tiempu con xarazu o agua, aire, rellumos y truena. SIN. truena, tuena. FAM. tormentosu-a-o. ||Les tormentes son peligroses.

tornar. 1. v.Cortar el pasu esviando a daqué o a daquién del so camín. SIN. esviar, torgar. ||Punxeron un lletreru na carretera pa tornar el tráficu. 2. v.Pasar d'una llingua a otra cualquier mensax oral o escritu. SIN. traducir. ||Tornóse al asturianu El Manifiesto Camunista. FAM. torna, tornador-ora-oro, tornadura, tornamientu, tornáu-ada-ao.

torniar. 1. v.Curvar una cosa reuta. ||Aquelles pates torniaes yeren redondes. 2. v.Pulir una cosa col tornu. ||El carpinteru tornia la madera pa faer una mesa. FAM. torniador-ora-oro, torniadura, torniamientu, torniáu-ada-ao.

torniellu. n.Clavu afiláu que se llanta na paré enroscándolu. FAM. atornellar, tornellera, desatornellar, desatornellador. ||P'afitar na paré un cuadru tuvi qu'usar cuatro torniellos.

torollu-a-o. ax. Que tien poca xixa. SIN. allocáu-ada-ao, alloriáu-ada-ao. ||Xulio ye un torollu.

torre. n.Construcción peralta, fecha pa defendese o como adornu. FAM. torreru-a, torretu, torrexón. ||En Salas hai una torre que se ve de lloñe.

tortazu. n.Güelpe que se da cola mano na cara. SIN. carrellada, mocada, molleyada, mormiellada, moxicón, torta. ||Dos neños engardiáronse y diéronse tortazos a esgaya.

tortiella. n.Pieza arredondiada que se fai meciendo güevos con pataques o con otru productu. VAR. tortía, tortiya. ||Güei cené una tortiella de setes.

tortu. n.Pieza de pastia plana y redonda fecha con fariña de maíz y agua. ||Al mio hermanu y a mi préstenmos asgaya los tortos con lleche.

toru. n.Machu de la vaca. SIN. buei, güe, xatu. VAR. touru. FAM. retoriar, taurinu-a-o, tora, toreru-a, toriar. ||Mio pá vendió'l toru en mercáu.

tos. n.Ruíu y movimientu convulsivu que facemos al echar l'aire de los pulmones con fuercia. VAR. tus FAM. tosedor-ora-oro, tosferina, tusir, tusicar, tusíu-ida-ío. ||Nela coyó fríu y agora tien tos cada poco.

tos. ax posesivu. Que ye de les persones de les que se fala. ||Les tos neñes yá son moces.

tostar. 1. v.Arreglar un alimentu con aceite o grasa ferviendo. SIN. fritir. ||Tostómos güevos y carne pa que comiéramos toos. 2. v.Ponese morenu tomando'l sol ||Col calor que fixo güei, la xente torstó bien na playa. 3. Pasar muncha calor. ||En mes d'agostu en Madrid tuestes anque nun quiera. FAM. tostaderu, tostador-a, tostadura, tostamientu, tostáu-ada-ao.

total. n. y ax. Delles coses xuntes nuna sola. SIN. suma ANT. parte, resta. FAM. totalidá, totalmente, totalitariu-a-o. ||El total de lo que gastamos abultómos enforma.

tou-a-o. ax. indefiníu. Qu'equival a la unidá entera. ||Tábamos los invitaos toos na casa. ||Comí'l carambelu tou. ||Comí la cena toa.

tovía. alv. Nun tiempu nel que s'aguadaba que l'aición tuviere acabada. SIN. aínda, enagora, entá, entovía, inda. ||Tovía nun terminó de comer y quier dir xugar.

toxu. n.Planta montés que tien les cañes enllenes d'escayos y les flores marielles. FAM. toxar, toxal. ||Coles flores del toxu fáense ferviatos pal catarru.

toyíu-ida-ío. ax. Con un miembru del cuerpu mancáu. FAM. toyedura, toyer, toyimientu. ||Dempués de la operación quedó-y la pierna toyida.

trabancu. 1. n.Traviesa de madera o fierro que val pa trancar les puertes. SIN. trancu-a. ||Echa'l trabancu enantes de dir pa la cama. 2. n.Presa fecha d'obra p'aparar l'agua nun ríu. ||En Grandas de Salime abren el trabancu de xemes en cuando.

trabar. 1. v.Torgar, impedir el llibre movimientu. SIN. apilancar, torgar. ||Trabóseme la rueda y nun puedo siguir. 2. v.Enfrentase a una persona. ||Xuan reño col so primu y trabóse-y delantre tou enraxonáu. FAM. trabador-a, trabadura, trabamientu, trabancu, trabáu-ada-ao.

trabayar. v.Facer llabor. SIN. llaborar. ANT. folgar. VAR. trabachar. FAM. trabayador-ora, trabayáu-ada-ao, trabayosu-a-o, trabayu. ||Muncho hai que trabayar pa saber esta lleición.

trabayu. 1. n.Aición y efeutu de trabayar. SIN. llabor, xera. ANT. descansu, folgueta. VAR. trabachu. ||Tengo munchu trabayu que facer. 2. n.Torga. SIN. dificultá. ||El mio hermanu ta pasando munchos trabayos pa criar esi neñu.

quira · Publicado: Lun Oct 17, 2005 9:14 pm **Asunto**:

tracamundiar. v.Mecer les coses desfaciendo l'orden que tienen. SIN. confundir, desiguar, enquivocar. ANT. asitiar, colocar, iguar, ordenar. FAM. tracamundiador-ora-oro, tracamundiáu-ada-ao, tracamundiamientu, tracamundiu. ||Nun soi a alcontrar esta pallabra porque Pin tracamundióme les fiches.

tractor. n.Vehículu que tien un motor con muncha fuercia y que s'emplega pa los llabores de llabranza. FAM. tractorada, tractorar, tractoráu-ada-ao, tractorista. ||Enganchó'l remolque nel tractor.

tráficu. n.Movimientu de vehículos. FAM. traficante, traficar. ||Na calle Uría d'Uviéu hai munchu tráficu.

trampa. 1. n.Engañu que se fai a daquién. SIN. bilordiu, falcatrúa, mentira, trola. ||Fízome munches trampes y ganóme nel suelu. 2. n.Aparatu que s'emplega pa cazar. SIN. armadía, armadiella, cepu, ferrón, garduña, guindón. ||La rapiega taba coxa porque cayera nuna trampa. []FAM. entrampiar, desentrampiar, trampa, trampiar, tramposu-a-o.

trancar. v.Poner una tranca tres la puerta pa zarrala. Zarrar una puerta. SIN. pesllar, tarabicar, zarrar. FAM. tranca, tracamientu, trancáu-ada-ao, trancazu ||Trancamos la puerta pa dir d'escursión.

tranquilu-a-o. ax. Quietu, pacíficu. SIN. aposentáu-ada-ao. ANT. nerviosu-a-o. FAM. tranquilamente, tranquilizar, tranquilizamientu. ||Pepe yera un rapaz mui tranquilu, enxamás tenía priesa.

trapeciu. 1. n.Cuadriláteru que tien dos llaos paralelos y los otros dos non. ||El trapeciu tien dos bases y una altura. 2. n.Barra horizontal que cualga nel aire sostenida por dos cuerdes. ||La trapecista del circu fízomos sufrir cuando cayó del trapeciu.

trapiar. v.Cayer trapos de ñeve. SIN. falampiar, faloupiar. FAM. trapiada, trapiáu-ada-ao, trapu. ||El día de Nuechebona trapiaba con mucha gracia.

trapicheru-a-o. ax. Que merca y viende de toles coses usando trampes y enriedos pa llogarr más ganancia. VAR. trapichán-a. FAM. trapichador-ora-oro, trapichar, trapichéu, trapicháu-ada-ao. ||Nun-y lo merque a Ferino que ye mui trapicheru.

trapu. 1. n.Nieve que cai. SIN. falampiu, faloupu. ||Los trapos cayíen suavino, suavino... 2. n.Trozu de tela ensin munchu valor. ||Llimpiáime'l mueble con esi trapu.

trasteru. n.Llugar onde se guarden coses de pocu usu y en xeneral de valir escasu. FAM. entrastiar, trastada, trastu. ||Xulín guarda los aperios de pescar nel trasteru.

tratu. 1. n.Relación que se tien colos demás. ||Tenemos tratu colos neños del colexu vecín. 2. n.Acuerdu. SIN. conveniu, pautu. ||El tratu yera quedase ún cola casa y otru col almacén. FAM. contratación, contratar, contratista, contratu, tratable, tratar, tratamientu, tratáu-ada-ao.

traxe. n.Conxuntu formáu por una chaqueta y un pantalón o una falda. FAM. entraxetar, entraxetáu-ada-ao. ||Urba estrenó un traxe pa dir a la Conseyería.

traxinar. v.Trabayar tando atentu a munches coses a la vez. FAM. traxín, traxinador-ora-oro, traxinadura, traxinamientu, traxináu-ada-ao, traxineru-a-o. ||María pásase les hores traxinando na casa.

trayer. 1. v.Treslladar daqué dende un llugar a otru. ANT. llevar. ||Fai'l favor de trayeme aquella siella. 2. v.Llevar puesta una cosa. SIN. usar. ||Inés trai un vistíu guapísimu. 3. v.Producir una consecuencia. ||El viaxe tráxome munchu bien. VAR. traer. FAM. atrayer, contrayer, retrayer, trayedor-ora-oro, trayíu-ida-ío.

trebeyu. n.Xuegu o xuguete pa enredar los neños. SIN. xuguete. FAM. trebeyador-ora-oro, trebeyar. ||Los rapacinos entretiénense muncho colos trebeyos.

trebolgar. v.Ferver un líquidu faciendo munches burbuyes. SIN. borbollar, fervollar, gorgolitar. FAM. trebolgador-ora-oro, trebolgamientu, trebolgón, trebolgu. ||Cuando entama trebolgar l'agua echámos-y l'arroz pa facer la paella.

trece. ax. numberal. Equival a diez más tres. ||A les trece hores sal l'avión del aeropuertu d'Asturies.

tremar. v.Enllenar un espaciu con coses desordenándolu. SIN. esparder, estrar. ||Tien tol cuartu tremáu de trastos. FAM. tremadura, tremamientu.

tren. n.Vehículu que camina per una vía de fierro. Ta formáu por una máquina que tira de vagones. FAM. treneru-a-o, trenista. ||Güei les máquines del tren son llétriques o de gasoil.

trenta. ax. numberal. Equival a tres veces diez. ||Da-y trenta pesetes que-y quedé a deber.

tres. ax.numberal. Equival a dos más un. ||Miguelín fue pa la escuela cuando tenía tres años.

tres. prep. Que vien o ta dempués de dalguna cosa. ANT. delante. ||Lisina escondióse tres la puerta.

trescalar. 1. v.Facer pasar un cuerpu per otru. ||Trecaló la tela cola navaya. 2. v.Sentir d'un mou intensu'l calor, el fríu, etc. ||El fríu que facía trescalóme hasta los güesos. SIN. trespasar. FAM. trescaladizu-a-o, trescaladura, trescalamientu, trescalante, trescaláu-ada-ao.

treslladar. v.Cambiar de llugar a una persona o a una cosa. SIN. camudar. FAM. tresllación, treslladable, treslladador-ora-oro, treslladamientu, treslladáu-ada-ao, treslláu. ||Tuviemos que treslladar la mesa de la mio casa a la del vecín.

tresnar. v.Arreglar o iguar daqué. SIN. afatar, arreglar, iguar. ANT. desarreglar, desiguar. FAM. tresnador-ora-oro, tresnadura, tresnamientu, tresnáu-ada-ao, tresnu. ||Nun minutu tresnemos la casa pa dir al cine.

triángulu. n.Figura xeométrica que tien tres ángulos y tres llaos. FAM. triángulación, triangular. ||Un triángulu equiláteru tien los tres llaos iguales.

triar. 1. v.Poner el pie enriba daqué. SIN. pisar. ||Aquel quuirosanu triome nun pie. 2. v.Mayar dellos cereales pa separtar la paya del granu. ||Agora ya tríen la escanda en pocos llugares. FAM. triador-ora-oro, triadura, triamientu, triáu-ada-ao.

triba. n.Grupu que s'estrema cuando clasificamos persones, animales o coses de la mesma clas. SIN. clas, especie, frasca, mena. ||Nesti pueblu tola xente ye de la mesma triba.

tribunal. n.Llugar y conxuntu de persones que xulguen a un deteníu, un exame. FAM. tribuna, tribunu. ||El Tribunal Superior de Xusticia d'Asturies ta n'Uviéu.

trigu. n.Cereal con espiques y granu del que se saca la fariña. SIN. pan. FAM. trigal, trigueñu-a-o, trigueru-a-o. ||El pan de trigo gusta muncho.

tripa. n.Conxuntu allargáu del aparato dixestivu que va del estómagu al anu. FAM. estripar, tripanza, tripayu, tripaxe, tripería, triperu-a-o, tripón, tripu, tripudu-a-o. ||Tuvo una peritonitis y cortáron-y un cachu de tripa nel hospital.

triste. ax. Que tienpena o señaldá. SIN. apenáu-ada-ao, atristayáu-ada-ao, murniosu-a-o, murniu-a-o. FAM. atristayar, atristayáu-ada-ao, tristura. ||Lin ta triste por nun poder ver a la so moza.

trompeta. 1. n.Instrumentu musical de vientu fechu de metal. ||Na banda música hai una riestra de trompetes. 2. Nuna banda de música, persona que toca la trompeta. ||Ye'l trompeta de la Sinfónica. FAM. trompa, tropetiar, trompetazu, trompeteru-a-o.

troncu. 1. n.Tueru del árbol. ||Atoparon un troncu de castañal mui bonu metanes el camín. 2. n.Parte del cuerpu de los homes y de los animales que va dende'l pescuezu hasta onde entamen les piernes o les pates. ||Nel troncu de les persones atópase l'arca.

trotiar. 1. v.Caminar con una marcha ente'l pasu y el galope. ||El caballu entamó trotiando y acabó la carrera a muncha velocidá. 2. v.Xugar blincando. ||Los guahes anden perhí trotiando dende que salieron de casa. FAM. trotiador-ora-oro, trotiadura, trotiáu-ada-ao.

trubiecu. n.Cama de los neños pequeños. SIN. berciu, cuna, mezu. ||El mio trubiecu foi'l mesmu qu'usara la mio hermana Lina.

trucha. n.Pexe de ríu, col cuerpu enllenu de pintes acolorazes o negres. VAR. truita FAM. truchada, trucheru-a-o, truchu. ||Nes piscifactoríes críen les truches.

truena. n.Tormenta, lluvia fuerte acompañada de munchu aparatu llétricu. VAR. tuena FAM. atroneyar, tronador-a, tronar, troníu, truenu. ||Nes nubes primero hai rellumos y dempués truena.

truenu. n.Españíu qu'acompaña a los rellumos. SIN. troníu. ||Estalló un truenu que fixo temblar tola casa.

tubu. n.Oxetu afuracáu y cilíndricu que s'emplega de recipiente o como conductu. FAM. atubáu-ada-ao, entubar, tubera, tubería. ||L'agua y el gas llévense a les cases per tubos.

tucu. 1. n.Tueru, güesu del xamón o llacón. ||Merqué un xamón el sábadu y ya nun-y queda más que'l tucu. 2. n.Parte d'un árbol que queda na tierra xunto al raigañu dempués de cortalu. SIN. tueru. ||Los lleñadores cortaron el monte y dexaron mui altos los tucos de los árboles. 3. n.Muñón, parte que queda depués de cortar una mano, un pie. ||A Xuacu cortáron-y el brazu y señala les coses col tucu. 4. n.Parte saliente que se forma al doblar los dedos, el coldu. ||María dio-y col tucu a la so hermana na tiesta y mancóla. []FAM. atucar, entucar.

túnel. n.Pasu fechu baxo tierra pa xunir un llugar con otru. ||Na autopista de Campumanes hai dellos túneles perllargos.

turismu. n.Afición a vizxar pa conocer el mundu. FAM. turista, turístucu-a-o. ||Xuan tolos branos fai turismu cola so familia.

turullu. n.Aparatu que s'emplega p'avisar o dar señales con un soníu agudu. SIN. pitu, sirena. FAM. aturullar, aturulláu-ada-ao, turulleru-a-o. ||A les doce siempre tocaba'l turullu en Fábrica Mires.

tusir. v.Echar l'aire de los pulmones de mou bruscu y con ruíu. FAM. tos, tus, tusiatu, tusicar, tusidor-a, tusiella, tusimientu, tusíu-ida-ío. ||Xuana tien catarru y pásase'l día tusiendo.

tuyu-a-o. ax y pron.posesivu. Que te pertenez a ti. Obs. Cuando l'axetivu va delantre'l nome les tres formes del masculín, femenín y neutru apocópense nes úniques formes to pal singular y tos pal plural. Tamién s'emplega de to como pronome que sustituye al masculín y al femenín. ||Esti banzón ye tuyu. Estos banzones son tuyos. ||La moñeca ye tuya. ||¿Son tuyes les moñeques?. ||L'agua ye tuyo. ||Traime'l to llibru. ||Traime los tos llibros. ||Nun ta equí la to llibreta. ||Nun tán equí les tos llibretes. ||Voi beber el to lleche. ||Toles flores d'esti ramu son de to.

quira · Publicado: Mar Oct 18, 2005 1:10 pm **Asunto**:

U

u. Lletra vixesimoprimera del abecedariu asturianu.

u. alv. Onde. Obs. Lleva tilde nes oraciones interrogratives. Tien un usu mui frecuente acompañáu de les formes del pronbome lu. ||El llibru ta u lo dexesti. ||-¿Ú vas tou corríu, Xabel?-Agarra'l maletu. ¿ülu? Nun lu veo.-¿Nun ves a la to prima?¿Úla?. SIN. au, aú.

ufiertar. 1. v.Ofrecer. ||Voi ufiertate dos mil pesetes por esi xarrón. SIN. ufrir. 2. Vender col preciu rebaxáu. ||En xineru toles tiendes ufierten les coses más barates. []FAM. ufierta, ufiertador-ora-oro, ufiertáu-ada-ao, ufiertamientu.

últimu-a-o. ax. Que nun tien a naide detrás. SIN. caberu-a-o, postreru-a-o. ANT. primeru-a-o. FAM. antepenúltimu-a-o, penúltimu-a-o. ||Tocó-y l'últimu llugar na clase.

ultraxe. n.Inxuria, ofensa. SIN. despreciu, insultu. ANT. afalagu. FAM. ultraxante, ultraxar, ultraxáu-ada-ao. ||Lo que-y ficieron foi un ultraxe, pero él calló la boca.

umeru. Árbol de tueru drechu fueyes pegañoses que se cría a la vera los ríos. VAR. umeiru. FAM. umeral, umerizu-a-o. ||Los umeros xorrecen perbién nes tierres llentes.

un (ún-unu)-a-o. 1. ax. Que ye la cantidá más pequeña de toes. ||Vieno vete un neñu. 2. pron. Ponse nel llugar del nome al que se refier. Obs. La forma ún lleva tilde. ||Foi ún el que vieno traete esti regalu.

un. n.Númberal qu'equival a la cantidá entera más pequeña de toes. ||Un, dos, tres, contaba la maestra.

unidá. 1. n.Cualidá de formar un tou, de nun tar dividíu. ||La unidá ye una cosa sola. 2. n.Valor que sirve de base pa midir al comparala cola estensión d'una cosa. ||El kilu ye la unidá de pesu.

unviar. v.Facer qu'una persona o cosa vaya a dalgún sitiu. SIN. dirixir, empobinar, mandar. ANT. recibir. FAM. unviáu-ada-ao, unviu, unvíu. ||Únviame'l llibru que t'empresté.

uña. n.Parte dura que sal nel estremu los deos. FAM. auñar, uñada, uñeru, uñín. ||Tien les uñes mui llargues.

urxente. ax. Que cuerre priesa, qu'hai que facelo darréu. FAM. urxencia, urxir, urximientu. ||Diéronmos un avisu urxente pa presentamos na Casa Conceyu.

úrzula. n.Úlcera, mancadura abierta na piel o nes mucoses, infestada y difícil de sanar. SIN. úlcera. ||Tien una úrzula nel duodenu.

usar. v.Emplegar una cosa. SIN. gastar. FAM. usanza, usáu-ada-ao, usu, usuariu-a-o. ||Muncha xente usa chiruques pa dir al monte.

utensiliu. n.Ferramienta que s'usa pa facer daqué. SIN: aperiu, erbia, ferramienta, preséu. ||El llibru ye l'utensiliu l'estudiante.

utre. n.Ave de rapiña que come carne muerto. FAM. utra, utriar. ||Nel ermu vi cinco utres enriba d'un camellu muertu.

uva. n.Frutu de la uvar, redondu y en garapiellos. FAM. uvar. ||A mí fústenme les uves negres.

uz. n.Planta montés, que da flores blanques. SIN. bericiu, urcia, urz. VAR. uce. ||Con estes uces voi facer una foguera.

quira · Publicado: Mar Oct 18, 2005 3:18 pm **Asunto**:

V

v. Lletra vixésimosegunda del abecedariu asturianu.

vaca. n.Canimal mamíferu grande, con cuernos y de la qu'aptovechamos la carne y el lleche. FAM. vacada, vacunu-a-o, vaqueru-a-o, vaquería. ||N'Asturies hai dos races de vaques propies del país, l'asturiana de los valles y l'asturiana de la montaña.

vacación. n.Tiempu de descansu nel trabayu, nel cursu escolar. ||Nel mes de xunetu tengo vacaciones.

vacalloria. n.Inseutu de color escuro y cuernos grandes. VAR. vacallouria. ||Cola calor del branu, al atapecer, salesn les vacallories.

vaciar. 1. v.Sacar el conteníu de cualquier recipiente. SIN. valeirar. VAR. esvaciar. ||Vaciemos l'agua de los calderos. 2. v.Sirvir la comida nos platos. ||En cuantes que mos sentamos a la mesa mio ma entamó a vaciar. FAM. vaciador-ora-oro, vaciamientu, vaciáu-ada-ao, vacíu-a-o.

vafu. n.Vapor que suelten los cuerpos en delles circunstancies. ||El cuchu suelta un vafu seízu.

vagar. n.Tiempu llibre. ||Mandóme facer delles coses y nun tengo vagar.

vagar. v.Tener tiempu abondu pa faer un asuntu. VAR. avagar. ||Va vagamos esperar l'autobús na parada.

vagón. n.Parte del tren onde s'asitien los viaxeros o les mercancíes. FAM. vagoneta. ||El tren de Llangréu lleva un vagón de más a los domingos.

valiente. ax. Que nun tien mieu, que s'atreve a enfrentase con toles situaciones. ANT. llerciosu-a-o, medranosu-a-o, medrosu-a-o. FAM. envalentonar, envalentonáu-ada-ao, valentía. ||¡Ye un valiente!, enfréntase a too.

vagu-a-o. ax. Folganzán, que nun-y gusta trabayar. ||Nesa casa tolos homes salieron vagos.

valir. 1. v.Tener valor una cosa, costar. ||Esti tomaviste valióme munches perres. 2. v.Tener aptitúes pa facer daqué. ||Les muyeres valen pa too. FAM. vale, valentía, valerosu-a-o, valimientu, valíu-ida-ío, valor, valoración, valoratible.

valle. n.Fastera de terrenu llano ente dos montes. FAM. envalar, envallinar, vallada, valleye, vallina. ||Nel valle d'El Nalón tán dragando'l ríu.

valor. 1. n.Cantidá que val una cosa. Pue ser en dineru o en cualidaes. ||La ilesia de Santuyanu tien munchu valor. 2. n.Cualidá de valiente. ||Lina tien munchu valor y diz-yos les coses clares.

valtar. 1. v.Tirar abaxo. ||Valtaron todos los árboles del parque. 2. v.Cayer daqué o daquién embaxo. ||Valtó la casa de mio tíu. 3. Prauticar una llucha deportiva que consiste en tirar al rival de llombu. ||Hai años en toles fiestes se retaben a valtar. []VAR. valtiar. FAM. valtaderu, valtadoriu, valteru, valtu.

vaqueiru-era. n.Persona que nel Occidente d'Asturies dedícase a la ganadería y veve en dos llugares. Pel iviernu en zones baxes o de la mariña y pel branu en zones altes o brañes. El viaxe que faen pa xubir a la braña denómase alzada. ||Los vaqueiros de Veigas yá nun faes l'alzada.

vaqueru-a. n.Persona que cuida vaques. VAR. vaqueiru-a. ||Nun ranchu de California viven dellos vaqueros.

vara. 1. n.Caña o palu delgáu, llisu y ensin fueyes. ||Cuando voi de monte llevo siempre una vara pa sofitame. 2. n.Montón de yerba que s'asitia alredor d'una vaga llarga, almacenando asina lo que nun se lleva pal payar. SIN. balagar, facina. ||El tractor de Xuan bien lleva una vara yerba. []FAM. varada, varagal, varal, varaláu, varangolla, varazu.

vasal. n.Mueble con estantes pa poner vasos, platos, botelles, etc. VAR. vasar. ||Llimpi'l vasal con un trapu.

vasu. n.Recipiente de cristal pequeñu y cilíndricu emplegáu pa beber. FAM. vasal, vasáu. ||Voi tomar un vasu vinu.

verceru-a. ax. Persona qu'usa davezu los servicios d'un establecimientu. ||Na tienda de Lin traten perbién a los veceros.

vecín-ina. n.Persona que vive nel mesmu edificiu, barriu, llugar o pueblu qu'otres persones. FAM. avecinar, vecinal, vecindá, vecindariu. ||Vieno'l vecín del sestu y diome les felicidaes pol santu.

vegada. n.Vez. ||¿Yá tas equí otra vagtada?

vehículu. n.Cualquier aparatu que val pa llevar d'un llau a otru a persones y coses. ||Hai que buscar un vehículu pa llevar les meses.

vela. 1. n.Aicióny efeutu de velar. ||Nun foi a dormir, tuvo tola nueche en vela. 2. n.Cilindru de cera o de sebu que se priende p'allumar. ||Priende la vela y allímame'l cuadru. 3. n.Pieza de texíu que lleven dellos barcos pa que l'aire los emburrie. ||Les veles de los barcos inflense cuando tira l'aire.

velar. v.Nun dormir pela nueche cuidando a un enfermu, vixilando. ||Tuvo velando a la madre tola nueche. FAM. desvelar, tresvelar, tresveluchar, velada, velador-a, velar, veláu-ada-ao, veloriu.

velocidá. n.Relación qu'hai ente un espaciu y el tiempu que se tarda en recorrelu. ||El mio coche anda a munda velocidá pela autopista.

veluriu. n.Actu de velar un muertu. ||Güei tengo un veloriu porque morrió'l mio vecín.

venáu. n.Animal mamíferu montés de más d'un metru d'altor, pates llargues y pelo curtio y amarronao. El machu tien cuernos pergrandes y enramasquiaos. ||Nos montes de Casu hai bayura de venaos.

venceyu. n.Páxaru inseutívoru asemeyáu a l'andarina. SIN. andarón, avión. ||¡Mira qué bandada venceyos!

vender. v.Dar una cosa empara de perres. ANT. comprar, mercar. FAM. vendedor-ora, vendíu-ida-ío, venta. ||¿Vendisti la casa vieya?

venenu. n.Sustancia que produz males nel organismu, munches vegaes de muerte. SIN. velenu. FAM. envenenamientu, envenenar, envenenáu-ada-ao, venenosu-a-o. ||Con venenu mátense los ratos.

venir. v.Caminar en direición al que fala. ANT. dir. FAM. bienveníu-ida-ío, venida, veníu-ida-ío. ||Fai'l favor de venir llueu.

ventana. n.Abertura que se fai na paré pa qu'entre la lluz y l'aire. FAM. ventán, ventanal, ventanera, ventaniella, ventanu. ||Venía una pega tolaes mañanes a picar na mio ventana.

venti. ax. numberal. Equival a dos veces diez. ||Hai venti años que llegamos equí.

ver. 1. v.Percibir pel sentíu de la vista. ||Viemos la película pela tarde. 2. v.Cayer na cuenta, decatase de daqué. ||El dici-ylo vio que yera mentira. []FAM. entrever, visión, vistu-a-o, visual.

vera. n.Oriella, llau de daqué o daquién. SIN. veriquina. FAM. averamientu, averar, averáu-ada-ao, desaverar. ||Nun t'apartes de la mio vera.

verda. n.Coincidencia d'una cosa y la idea qaue se tien d'ella. ANT. enquivocu, mentira. FAM. verdaderamente, verdaderu-a-o. ||Lo que dixo Valiente yera una gran verdá.

verde. 1. ax.Del color de la yerba fresco. ||Regalóme mio pá un vistíu verde. 2. n.Yerba acabante de segar. SIN. segáu, vianda. ||¡Cómo güel el verde tienro del segáu! []FAM. averdosar, averdosáu-ada-ao, reverdecer, verderín, verderón, verdexar, verdiayu, verdín, verdor, verdura.

verderín. n.Páxaru cantor pequeñu y averdosáu. ||El verderín tien manches marielles nes esnales.

verdeyar. 1. v.Dir agarrando daqué color verde. SIN: verdiar. ||Esti cazu de cobre en cuantes que nun lu llimpies, verdeya col ferruñu. 2. v.Empicipiar a brotar les plantes. ||Yá ta verdexando'l monte.

verdiasca. n.Vara verde que cimbla. VAR. vardiasca. ||La muyer escorriólos con una verdiasca.

verdín. n.Mancha que dexa'l color verde de la yerba cuando s'esfriega daqué nello. ||Tuvisti xugando en prau y vienes tou enllenu verdín.

verdura. n.Toles plantes de güerta con fueyes verdes y aprovechaes como alimentu. ||Gústamos muncho la verdura cocío.

vergoña. Vergüenza. ||Xicu nun tien vergoña.

vergüenza. 1. n.Sentimientu de pesar por facer daqué mal y tener mieu de perder l'apreciu de los demás. ||Nun-y regaló nada pol cumpleaños y agora da-y vergüenza dir a vela 2. n.Cortedá d'ánimu, pocu atrevimientu. ||Nun ye quien a dicir la lleición de la vergüenza que-y entra. 3.FEchu despreciable que nun debería suceder. ||Ye una vergüenza lo que tán faciendo col Tercer Mundu. []SIN. vergoña. FAM. avergonzar, vergonzosu-a-o.

vería. n.Parte del cuerpu onde se xunten los muslos col troncu. VAR. vericha. ||Quixisti saltar la muria y agora duélente les veríes.

quira · Publicado: Mar Oct 18, 2005 4:20 pm **Asunto**:

verruga. n.Bultu que sal na piel producíu por un virus. SIN. úzara. FAM. verrugosu-a-o, verrugosidá. ||Pa curar les verrugues hai que quemales.

versu. n.Caúna de les ringleres d'un poema. ||Gústenme los versos de Tiadoru Cuesta.

vertir. v.Facer salir el conteníu d'un recipiente. SIN. tirar, vaciar. FAM. vertederu, vertidor-ora-oro, vertimientu. ||Pequí prohíbese vertir agua.

vexetal. n.Ser que naz, crez y muerre pero qeu nun tien movimientu. ||Los vexetales son una parte mui importante de los seres vivos de la Tierra.

vexiga. 1. n.Bolsa membranosa qeu contién el mexu. ||Cuando tienes munches ganes de mexar paez que te va esplotar la vexiga. 2. n.Bolsina enllena d'aguadiya que se forma na piel. SIN. ampolla, angüeña, enxigua, güencha. ||Queméme y salióme una vexiga. FAM. vexigamientu, vexigar, vexigáu-ada-ao.

veyura. 1. n.Xentu, caricia que se fai pa dar mimos, pa faer gracies. ||Los güelos gasten munches veyures colos nietos. 2. Gracia que faen los neños pequeños. SIN. galanes. ||Yá entama Xuanín a facer veyures.

vez. 1. n.Ocasión, momentu. SIN. vegada, vuelta. ||Cada vez toi más cansáu. 2. n.Tiempu de facer una cosa nel turnu que-y correspuenda. ||Coyí la vez pal médicu.

vezu. n.Costume, hábitu. FAM. avezamientu, avezar, avezáu-ada-ao, davezu, veceru-a. ||Nacho tien el vezu de dir toles mañanes al parque.

vía. 1. n.Carriles de fierro peles que rueda un tren. ||Nun te metas na vía'l tren. 2. n.Mou o camín de resolver un astuntu. ||Esti xuiciu hai que resolvelu pela vía de lo contencioso. FAM. esviar, vial, viariu-a-o, viaxe, unviar.

viaxar. v.Dir d'un llau a otru per tierra, mar o aire. FAM. viaxante, viaxe, viaxeru-a-o. ||Pa dir a la Puela d'Allande viaxemos n'autobús.

viaxe. n.Aición y efeutu de viaxar. ||Toles vacaciones faigo un vixe pa conocer meyor Asturies.

viaxeru-a-o. ax. Que viaxa, que ye aficionáu a viaxar. ||Nolo ye mui viaxeru, tolos meses agarra l'avión.

viciayu. n.Mala zuna que tienen los neños o les persones mui consentíes o mimaes. SIN. melindru, refalfiu. ||Cai permal a la xente polos viciayos que tien.

vida. n.Estáu d'actividá o de funcionamientu d'un muérganu o d'un ser orgánicu, dende que naz fasta que muerre. ANT. muerte. ||El coneyu tuviera tres años de vida enantes de morrer.

vidaya. n.Caúna de les dos partes que s'asitien a los llaos del craniu. SIN. tenllera. VAR. vidacha. ||Güei duélenme les vidayes.

vide. n.Recimal, planta con sarmientos y de tueru retorcíu que da uves. SIN. uvar. ||Nes orielles del Narcea hai vides con munchos recimos.

vidru. n.Sustancia tresparente, duro y fráxil que s'emplega pa facer cistales, vasos, botelles, etc. FAM. vidrera, cidreru-a-o, vidrosidá, vidrosu-a-o. ||La Bohemia de Xixón ye una fábrica qu'emplega bon vidru.

v ienres. n.El día sentu de la selmana. ||El vienres vien una tía a vema.

vientu. n.Aire. SIN. aire. FAM. aventar, ventoleru-a-o, ventolín, ventosu-a-o. ||Esti vientu va tirar les teyes.

viérbene. n.Llombriz. SIN. cocu, guxán, llombriga. VAR. viérmene. ||Les viérbenes nun dexen dormir al neñu.

viesca. n.Llugar onde miedren conxuntos d'árboles, de la mesma o de distinta raza. SIN. mata. FAM. viescu. ||N'Asturies hai munchos llugares que se nomen Viesca.

vieyu-a-o. 1. ax. Persona, animal o cosa de muncha edá o tiempu. ||Ye tan vieyu que nun se tien de pie. 2. ax. Que ta gastáu pol usu. ||Esti maletu nun tien tantu tiempu pa tar tan vieyu []ANT. nuevu-a-o. VAR. viechu-a. FAM. avieyamientu, avieyar, avieyáu-ada-ao, vieyancu, vieyera, vieyura.

vigolín. n.Instrumentu musical con caxa sonora, cuatro cuerdes y arcu. FAM. vigolinista, vigolón. ||Nes escueles de música hai munchos escolinos de vigolín.

villa. n.Población más grande qu'un pueblu o una aldea. ||La villa de Castropol tien puertu.

vinagre. 1. n.Líquidu agrio que sal al lleldar el vinu o la sidra. ||Dame la vinagre pa la ensalada. 2. n.Persona de mal xeniu. ||Ye un vinagre, enfocícase con tol mundu. []FAM. avinagrar, avinagráu-ada-ao, vinagreru-a, vinagreta.

vinu. n.Bebida que se saca del zumu d'uva dempués de formentao. FAM. vinateru-a-o, vinatería, vinosu-a-o, vinizu. ||Tomái vinu fecho por mio pá en Cangas.

viña. n.Terrenu plantáu de vides. FAM. viñador-a, viñar, viñáu-ada-ao, viñéu. ||Fui a la viña y agarré delles uves.

virxe. 1. n.Persona que nun tuvo relaciones sexuales. ||Cuando morrió entovía yera virxe. 2. n.La madre de Xesús. ||La virxe María ye la ma de Cristu. FAM. virxinidá, virxinal.

visiegu-a-o. ax. Con muncha sombra, que nun entra'l sol nél. SIN. veséu-a-o, avesíu-ida-ío. ||Nos valles hai siempre una parte visiega y otra solana.

visillu. n.Cortina pequeña que se pon nes ventanes tres los cristales. ||María punxo visillos na galería.

vistir. 1. v.Cubrir el cuerpu con ropa. ||jVístite más apriesa que nun llegamos a tiempu. 2. v.Dar, facer o mercar ropa a daquién. ||Vístelu la madrina tolos iviernos. FAM. desvistir, revistir, vistidura, vistimienta, vistíu-ida-ío.

vistíu. 1. n.Ropa que se viste. ||El vistíu de la xente cambió abondo a la llargo de la hestoria. 2. n.Pieza enteriza que se pon p'atapar el cuerpu. ||Llarina punxo'l vistíu nuevu. FAM. vistidor, vistidura, vistimienta, vistir.

vistu-a-o. ax. Que yá se bio munches vegaes. FAM. visión, vistazu, vistosu-a-o ||Esti mozu ta mui vistu pequí.

vivienda. n.Llugar onde se vive. SIN. casa. ||Nun requexu al llau'l parque tán faciendo venti viviendes.

vivir. 1. v.Tener vida. ||¡Qué guapo ye vivir!. 2. v.Tar faciendo la vida dalgún tiempu nuna casa, nun pueblu, nun llugar. ||Nesta casa vive'l cura y naquella vivió mio güela. FAM. convivencia, desvivir-ise, supervivencia, vivienda, viviente, vivu-a-o.

vixésimu-a-o. ax. numberal ordinal. Que ta nel llugar venti. ||Tamos nel sieglu vixésimuprimeru de la era cristiana.

vixilante-a. n.Persona encargada de vixilar. ||A Xucu contratáronlu de vixilante nuna obra.

vixilar. v.Curiar d'una persona o cosa. SIN. cuidar. ANT. descuriar. FAM. vixilancia, vixilante-a, vixiláu-ada-ao. ||El cotu Reres ta perbién vixiláu.

vociar. v.Dar voces. SIN. glayar, vocinglar. FAM. vocablu, voceríu, vociador-ora-oro, voceru-a-o, vocinglón-ona-ono, voz. ||Oyí vociar a Tino tres la viesca.

vocinglón-ona-ono. ax. Que da munches voces. SIN. glayador-a, voceres, vocengleru-a-o. ||Andrés cuando va al fútbol vocingla como si tuviere llocu.

voltiar. v.Dar vuelta o dar la vuelta a daqué. ||Fixo-y una maña, agarróla pel brazu y voltióla. FAM. voltiador-ora-oro, voltiadura, voltiamientu, voltiáu-ada-ao.

voltura. 1. n.Revoltura, gana de vomitar. SIN. arcada. ||Esti sedizu diome unes voltures desaxeraes. 2. n.Repunanza que se siente por daqué. SIN. ascu. ||Dame voltura alcordame d'esa comida.

volume. 1. n. Espaciu qu'ocupa un cuerpu. ||Traxo una caxa de munchu volume que nun-y entraba nel coche. 2. Altor del soníu. ||¡Báxame'l volume de la música que me tas alloriando!

vomitar. v.Echar pela boca lo que ta dientro l'estómagu. SIN. abocar, allanciar, arrohar. FAM. vomitada, vomitón-a-o, vomitonciu, vómitu. ||Vieno en coche y vomitó tolo qu'almorzara.

vos. pron. Personal de segunda persona del plura. Les persones coles que se fala. Obs. Cuando ye tónicu escríbese vós. SIN. vosotros, vosoutros. ||Quiero dir con vós pal cine. ||Voi davos les perres pa dir al cine.

voz. n.Soníu que se produz nes cuerdes vocales. ||Col sustu quedó ensin voz.

vuelta. 1. n.Xiru que fai una cosa sobre sí mesma. ||Les nueches y los díes hailos porque la Tierra da vueltes sobre ella mesma. 2. n.Paséu. SIN. revolada. ||Fuimos a dar una vuelta mentanto mos facíen la comida. 3. n. Retornu. ||A la vuelta saluda a to tíu. 4. n.Vez. ||A cada vuelta ponen el pan más caro.

vueltu. n.Dineru que sobra al pagar daqué. ||El llitru costóme veinticinco duros y tienes que dame dos de vueltu.

vuestru-a-o. ax. y pron. posesivu. De vosotros. VAR. vuesu-a-o. ||El vuestru colexu nun tien patiu. ||Trayéi los vuestros pa mi. ||La vuestra casa tien corredor. ||Les vuestres neñes tán equí. ||Lo vuestro nun m'interesa.

vuesu-a-o. ax. y pron. posesivu. De vosotros. VAR. vuestru-a-o. ||La vuesa zuna ye llegar tarde siempres. ||Mirái polo vueso, que naide va facelo meyor. ||Les vueses sobrines tán toes en Mieres.

quira · Publicado: Mie Oct 19, 2005 9:16 pm **Asunto**:

X

x. Lletra vixesimotercera del abecedariu asturianu.

xabalín. n.Mamíferu montés asemeyáu al gochu. Tien el focicu saliente, dos caniles pergrandes y el cuerpu cubiertu de pelos llargos. SIN. gochu montés. VAR. xabaril. ||Los xabalinos esfocicáronmos tol prau.

xabatina. n.Esfuerzu grande y de curtia duración. VAR. sabatina. ||Xuan déxalo too pa última hora y dempués tien que facer xabatines asgaya.

xabaz. 1. ax. Poco sociable, toscu; xostrón. ||Esti rapaz ta xabaz del too, nin saluda. 2. ax. Violentu. ||N'autobús venía un home bien xabaz diciendo munches babayaes.

xabón. n.Productu que val pa llavar y que se llogra d'amestar grasa y materia alcalino. ||Xabel foi a la tienda y traxo un xabón qu'arreciende.

xabugu. n.Árbol que da flores blanques y el frutu en bolines grandes y anegrataes. SIN. benitu, beniteiru, benitón. VAR. sabugu, xabú. ||Cola flor del xabugu y otres más engalánense les fontes per San Xuan.

xacíu. n.Facultá de les persones pa estremar lo que ta bien de lo que nun lo ta. SIN. sen, sentíu, xeitu, xixa, xuiciu. ||Esos dos nun hai per u los coyer, nun tienen xacíu.

xaguar. 1. v.Llover fuerte. ||Facía tantu calor qu'al entamar a xaguar prestónos. 2. v.Enxaguar, llimpiar con agua claro lo que tea enxabonao. FAMl. enxaguamientu, xaguatada, xaguáu-ada-ao, xagüetar. ||Xagua bien esi vestíu enantes de tendelu.

xagüetar. v.Enxagüetar, batir bien la ropa ente agua al llavalo. ||Mio ma tien una llavadora y diz que-y xagüeta bien la ropa.

xalé. n.Construcción que se llevanta sola nun terrenu pa habitala namái una familia. ||Fixeron un xalé nel prau la playa.

xamasca. 1. n.Conxuntu de cañes d'un árbol. ||El ñeru la pega nun se vía entre tanta xamasca. 2. n.Rama d'un árbol. ||Nora escorrió a los neños con una xamasca. SIN. gamayu. FAM. xamascada, xamascazu, xamascu, xamasqueru.

xamón. n.Pata d'atrás del gochu curada y salada. SIN. pernil. FAM. xamonería, xamoneru-a-o. ||L'añu pasáu saliómos el xamón mui salao.

xampán. n.Vinu blanco esplumoso. FAM. xampanería. ||Una copina de xampán asienta bien dempués de comer.

xamuscar. v.Quemar daque pela parte de fuera. SIN. llampuriar. FAM. xamuscadura, xamuscamientu, xamuscáu-ada-ao, xamuscu, xamusquina, xamuscante. ||María metió un bollu en fornu y xamuscó-y.

xana. n.Personaxe de la mitoloxía asturiana. Ye una moza rubia que vive nes fontes. SIN. encanta. VAR. inxana. FAM. xanín, xanu. ||Xana sal, sal Xana, ye to pá, el Rei, quien llama.

xanzana. n.Planta de fueyes grandes con flores de color mariellu y raíces son melecinables. VAR. xanzaina, xaranzaina, xaranzana. ||Nos cumales de los montes xorrez la xanzana.

xarabatar. v.Llover y nevar o llover y xarazar a un tiempu. SIN. bastiar. VAR. xarabatiar, xaragatiar. FAM. xarabatada, xarabatón, xarabatu. ||Per abril xarabata muncho.

xarabe. n.Bebida que se prepara con agua, azucre y sustancies melecinables. ||Dela foi al médicu y diéron-y xarabe pal catarru.

xaranga. n.Charanga, grupu musical con instrumentos de metal. FAM. xaranguería, xarangueru-a-o. ||Pa la fiesta'l pueblu vinieron munches xarangues.

xarazar. v.Cayer una nube de pedriscu. FAM. xarazada, xarazu. ||Xarazaba tan fuerte que la xente corría p'abellugase nos portales.

xarazu. n.Agua conxelao que cai de les nubes en forma de piedres. SIN. granizu. ||Cayó xarazu como granos d'ablanes.

xardín. n.Terrenu dedicáu al cultivu de flores y plantes d'adornu. FAM. axardinamientu, axardinar, xardinera, xardinería, xardineru-a-o. ||Punxi un arcu d'un rosal nel xardín.

xardineru-a. n.Persona que ta al cargu d'un xardín. ||El xardineru'l parque llámase Felis.

xardón. n.Árbol de fueyes verde escuto brillante, con pinchos nos rebordes. Les sos flores son blanques y el frutu bolines coloraes. SIN. acebu, carrascu. VAR. sardón. ||Coles nevaes abellúguense munchos paxarinos debaxo los xardones.

xaretón. n.Baxu d'una prenda de vistir. FAM. enxaretar. ||Hubo que xubi-y el xaretón na falda porque-y quedaba llarga.

xaréu. 1. n.Folixa, festeyu. SIN. xarana. ||Cuando entamamos toos a baillar montóse un xaréu pergrande. 2. n.Baruyu. SIN. baturiciu, enguedeyu, espolín. ||Reníen y falaben toos a la vez y armóse un xaréu mui grande.

xaronca. n.Anfibiu de pelleyu esnidiosu, verde o pardu y ensin rau. Vive en ríos y llagos. ||Hai una xaronca que canta nun folleru.

xarru. n.Cacíu de barru o d'otru material y de bocal anchu. FAM. xarra, xarráu-ada-ao, xarreru-a, xarriar, xarrón. ||En Faru y el Llames faes xarros de barro.

xastre-a. n.Persona qu'igua y fai prendes pa vistir. FAM. xastrería. ||El xastre fixo-y un traxe nuevu a Monchu.

xatu-a. n.Cría de la vaca. FAM. xatada, xateru-a-o. ||A los xatos présta-yos correla pel prau.

xaula. n.Caxa fecha con palos, fierros o alambres que nun tean mui separtaos ente ellos y que val pa trancar animales dientro. FAM. desenxaular, enxauladora, enxaulamientu, enxaular, enxauláu-ada-ao, xauleru-a-o. ||Nel parque San Francisco d'Uviéu teníen una osa nuna xaula.

xefe-a. n.Persona que manda sobre otres. SIN. amu, direutor, patrón. FAM. xefatura. ||El xefe del gobiernu del Principáu ye'l presidente.

xeitu. 1. n.Forma de ser o de facer les coses. ||Les coses son d'un xeitu distintu a como les cuentes. 2. n.Aspeutu o manera de facer les coses. ||Tien la casa ensin xeitu. 3. n.Sentíu común. SIN. xacíu, xixa, xuiciu. ||Esti home nun tien xeitu. []SIN. forma, manera, mou, sen, sentíu. FAM. axeitamientu, axeitar, axeitáu-ada-ao.

xelada. n.Baxada de la temperatura por debaxo los 0º. ||Anueche, cola xelada, fixéronse unos pinganexos nel aleru la casa.

xelambreru. n.Sitiu mui fríu. SIN. xelebréu. ||Esta parte'l terrenu ye un xelambreru.

xelar. 1. v.Baxar la temperatura per debaxo los 0º. ||Abrígate bien pa salir que ta xelando. 2. v.Facer sólidu un líquidu. ||Mete l'agua nel conxelador pa que xele llueu. 3. v.Quedar paráu, asombráu por una noticia, por un socesu o por un comportamientu. ||Quedó xeláu al oyer les males notes que nun esperaba. []FAM. conxelador, conxelar, xeladería, xeladeru, xeladura, xeláu-ada-ao, xeleru, xelu.

xeláu. n.Llambionada que se xela fecha con azucre, lleche y otros productos. ||Gústenme los xelaos de turrón.

xelu. n.Agua n'estáu sólidu. ||Échame un xelu nel agua.

xemes: de xemes en cuando. espresión. En dalguna ocasión. SIN. dacuando. ||Voi per esos llugares de xemes en cuando.

xeneral-ala. n.Persona que tien el mandu superior nel exércitu. ||Güei vieno visitamos al cuartel del Rubín el xeneral de la séptima rexón militar.

xeneral. ax. Que ye común a toos o a la mayoría. ||En xeneral, el tiempu n'Asturies ye más lluvioso que soleyero. FAM. xeneralidá, xeneralista, xeneralizar, xeneralmente.

xeniu. 1. n.Mou de ser de les persones. SIN. calter, caráuter. ||Ye de xeniutranquilu esta rapaza. 2. n.Facilidá pa la creación artística. ||Piñole foi un xeniu. 3. n.Persona que tien muncha intelixencia. ||Einstein foi'l xeniu más grande del sieglu XX. 4. n.Esp´´iritu de delles hestories fantástiques. ||Nel cuentu d'Aladino sal un xeniu. FAM. inxeniu, xenial, xenialidá.

xenru-a. n.L'home de la fia o la muyer del fiu. ||El mio xenru y la mio fia tuvieron un neñu que ye'l mio nietu.

xente. n.Conxuntu de persones. ||Siempre hai muncha xente'l Día de Les Lletres Asturianes. FAM. xentecaya, xentiquina, xentíu, xentuza.

xenxiva. n.Carne onde s'asistía'l dentame. VAR. enxiva. ||Dempués de comer hai que llavar los dientes y les xenxive.

xepa. n.Abultamientu que se sal nel llombu. SIN. gorrumba. VAR. chepa. ||El camellu tien dos xepes.

xera. 1. n.Actividá que fai una persona. SIN. llabor, trabayu. ||Esta xera nun somos a facela güei. 2. n. Esmolecimientu. ||Llévame xera lo que tas diciendo.

xeraniu. n.Planta de xardín mui resistente y con flores en forma de paragües. ||Hai munchos balcones que los ornien con xeranios.

xergón. n.Colchón rellenu de paya, de fueyes de maíz. ||Anguaño della xente duerme nun xergón.

xerséi. n.Prenda d'abrigu fecha de puntu. ||Punxi un xerséi y pasé munchu calor.

xestu. n.Movimientu de la cara según seya l'estáu d'ánimu. FAM. xesticulador-ora-oro, xesticulamientu, xesticular. ||En cuanto que-y lo espeté punxo'l xestu de llocu.

xibia. n.Moluscu asemeyáu al pulpu. ||Esta xibia tien los güeyos saltonos.

xibión. n.Moluscu de la raza del calamar. SIN. calamar, potarru. ||Na mio familia comemos munchos díes xibiones fritos.

xiblar. v.Facer un ruíu agudu xuntando los llabios y soltando l'aire pente ellos. SIN. pitar. VAR. xiflar, xiplar, xiprar. FAM. xibladura, xiblata, xiblateru-a-o, xiblatu, xibláu-ada-ao, xiblíu. ||Cantó tan mal aquel cantar qu'acabamos xiblando toos.

xiblata. n.Flauta. SIN. xipra, sipla. ||Nun toque la xiblata que m'atorolles.

xiblatu. n.Instrumentu que se fai sonar soplando per él y que produz un soníu agudu. SIN. pitu. ||Tolos xugadores anden buscando'l xiblatu l'árbitru.

xiblíu. n.Aición y efeutu de xiblar. VAR. chiflíu, xiblu, xiflu. ||La culiebra echó un xiblíu que mos dexó xelaos.

xiga. n.Piedra menuda. SIN. cascayu, lláscara. ||Coyí una xiga y avnetéla penriba l'agua'l ríu.

quira · Publicado: Jue Oct 20, 2005 12:31 pm **Asunto**:

xigante-a. 1. n.Persona mui alta. ||Como siga creciendo asina esta rapacina va paecer una xiganta. ANT. nanu-a. 2. ax. Armazón con figura de persona que sal peles fiestes de los pueblos. SIN. xigantón-ona. ||Peles fieste de San Xuan en Mieres yá nun saquen los xigantes y los cabezudos. FAM. xigantescu-a-o, xigantismu, xigantón-ona.

xilgueru. n.Páxaru cantor que ye fácil de domesticar. Hai munchos n'Asturies. ||Hai que deprende-y a cantar al xilgueru.

ximelgar. v.Mover daqué d'un llau a otru. SIN. añar, cañicar, taramingar, xingar, xiringar. FAM. ximelgador-a, ximelgamientu, ximelgáu-ada-ao, ximelgón. ||¿Quién ye'l que ta ximelgando la zreza?

ximielgu. n.Aición y efeutu de ximelgar. SIN. taramingazu, xingón, xiringón. !!Dio-y unos ximielgos al cañiqueru y el neñu dexó de berrar.

ximir. v.Quexase con llamentos. SIN. llancir, llorar, sollutar. FAM. ximidor-ora-oro, ximíu. ||Dolía-y de tal xeitu la pierna que tuvo ximiendo ensin parar tola nueche.

ximnasia. n.Actividá que consiste en facer exercicios físicos. FAM. ximnasiu, ximnasta, ximnásticu-a-o. ||Los neños nagüen pola clas de ximnasia.

xineru. n.El mes primeru del añu. VAR. xineiru. ||En xineru los díes son curtios.

xineta. n.Animal mamíferu carniceru que's'asemeya al gatu, col rau llargu y el color pardo y blanco. ||La xineta desfizo'l nial de la parpayara.

xingar. 1. v.Chingar, tener relaciones sexuales. ||Les persones y los animales adultos tienen capacidá pa xingar. 2. v.Mover d'un llau pa otru. SIN. banciar, cañicar, taramingar, tortobexar, ximelgar, xiringar. ||Dexa de xingar el cañicón que voi cayer. FAM. xingadera, xingadiella, xingadura, xingamientu, xingáu-ada-ao.

xinesta. n.Planta montés de rames delgaes, fueyes y flores marielles. Úsase pa facer escobes. VAR. xiniesta, xinestra. ||La xinesta tien el frutu asemeyáu a les llenteyes.

xintar. v.Comer al mediudía. FAM. xinta, xintáu-ada-ao. ||En mio casa xintamos a les doce y media.

xiplar. 1. v.Xiblar, dar xiplíos. VAR. xiflar. ||Xípla-y esi penalti. 2. v.Falar, en sentíu metafóricu. SIN. dar la parpayuela, dar parola. ||¿Cuándo dexaréis de xiplar? []FAM. xipla, xiplador-ora-oro, xipláu-ada-ao, xiplíu, xiplu.

xira. n.Fiesta que se fai nun prau faciendo ellí la comida y la cena. ||A Inés présta-y más la xira de Castandiello, en La Felguera, que dir a San Francisco.

xirafa. n.Animal rumiante que vive n'África y que tien el gargüelu mui llargu. ||La xirafa tien dos cuerninos na tiesta.

xirigonza. n.Aición estraña y ridícula. VAR. xirigoncia. ||Déxate de xirigonces y ponte al llabor.

xiringar. v.Mover d'un llau pa otru. SIN. banciar, cañicar, taramingar, ximelgar, xingar. FAM. xiringador-ora-oro, xiringamientu, xiringáu-ada-ao. ||Taba nel cañiqueru y nun dexaba de xiringase.

xofer-era. n.Persona que guía un vehículu. ||Rilu entró a trabayar de xofer de los autobuses.

xornal. n.Cantidá que gana una persona como sueldu d'un día. SIN. paga, paguetu, salariu. FAM. xornaleru-a-o, xornaliar. ||Tien un bon xornal nesta fábrica.

xorra. 1. n.Corra, bona suerte. ||Tien muncha xorra, ya-y tocó tres veces la quiniela. 2. n.Cabeza del nabu, remolacha o cualquier planta bulbosa. ||Pa cocinar los nabos hai que corta-yos la xorra. 3. n.Miembru viril. SIN. meruca, minga, pena, pirula, pixa, punta. ||Munchos paisanos tienen la xorra pequeñina. 4. n.Merucu de la mar qeu s'emplega pa pescar. SIN. xagorra. ||Enantes de dir a pescar enllenamos un bote de xorra.

xorrecer. v.Facese grande un ser vivu, un asuntu. SIN. esporpollar, espoxigar, espolletar, medrar. FAM. xorrecimientu, xorrecíu-ida-ío. ||La xinesta xorrez nos montes altos.

xostrada. 1. n.Cayida en suelu. SIN. gochada, sapada, sapiazu, zapada, zapallada. FAM. xostrar, xostrazu. ||Zarapicó y diose una bona xostrada. 2. n.Tortazu. SIN. marmellada, mocada, tenllerada, tenllerazu. ||Xicu nun paraba de fadiar y so pá dio-y una xostrada.

xostrón-ona-ono. n.Desastrosu y qu'anda mal arregláu. SIN. abandonáu-ada-ao, desastrosu-a-o, desciudáu-ada-ao. ||Xesús ye un xostrón: nun se llava enxamás.

xoven. ax. Que tien poca edá. SIN. mozu-a-o, rapaz-aza. FANt. vieyu-a-o. FAM. rexuvenecer, xuvenil, xuventú. ||La xente xoven del mio pueblu fixeron una manifestación.

xoya. n.Oxetu de munchu valor. SIN. alhaxa. FAM. enxoyar, xoyería, xoyeru-a. ||Esti reló d'oru ye una xoya.

xoyeru. n.Caxina onde se guarden les alhaxes. SIN. estoyu. ||El mio xoyeru tien música.

xoyeru-a. n.Persona que fai o viende alhaxes. ||Per Reis merqué-y al xoyeru un aniellu pa mio ma.

xubir. v.Dir d'abaxo arriba. ANT. baxar. FAM. xuba, xubida, xubidor-ora-oro, xubidoria, xubíu-ida-ío. ||Tengo de xubir al puertu.

xuegu. 1. n.Aición y efeutu de xugar. ||Nosotros ganemos esti xuegu. 2. n.Entretenimientu desendolcáu d'acuerdu con unes regles. ||Nel xuegu los banzones hai que siguir delles normes. 3. n.Puntu onde se xunten dos güesos. ||Cayí y manquéme nel xuegu del coldu.

xueves. n.Día quintu de la selmana. ||El xueves ta metanes la selmana.

xuez. n.Persona que tien autoridá pa xulgar nos tribunales y dar sentencia. ||Ascendieron a maxistráu al xuez de Llaviana.

xugador-ora. 1. n.Que xuega. ||Aique ye un bon xugador de fútbol. 2. n.Que tien la zuna de xugar. ||Xurde fíxose un xugador de bingu y nun-y lleguen les perres a fin de mes.

xugar. 1. v.Facer dalguna cosa pa entretenese o pasalo bien. ||Los neños xueguen nel patiu. 2. v.Tomar parte nun xuegu. SIN. enredar, trebeyar. ||Pela tarde vamos a xugar al fútbol. 3. v.Tomar parte nun xuegu d'azar. ||Della xente fíxose millonario xugando a la llotería. []FAM. xuegu, xugada, xugadera, xugador-ora-oro, xugadura, xugarreta, xugarretiar, xugáu-ada-ao, xuguete, suguetería, xuguetéu, xuguetón-a-o.

xugu. 1. n.Xusmiu, líquidu producíu polos animales o los vexetales. SIN. zume, zumu. ||Faime un xugu de naranxa. 2. n.Utilidá que s'obtién d'una cosa. SIN. beneficiu, porgüeyu, provechu, proveitu, ventaxa. ||Camienta saca-y bon xugu a les perres que metió nel bancu. 3. n.Instrumentu de madera col que se xunce una pareya de vaques. ||Pon-y a la pareya'l xugu que voi acarretar yerba. []FAM. xugosidá, xugosu-a-o.

xuguete. 1. n.Oxetu col que se xuega. SIN. tarecu, trebeyu. ||Merqué-y esti xuguete al neñu. 2. n.Persona o cosa dominada por una fuercia, por daquién. ||El barbucu yera un xuguete de la mar cola mareona qu'había.

xuiciu. 1. n.Facultá de les persones pa dixebrar lo que ya correuto de lo que nun lo ye. ||Ye como un neñu, nun tien xuiciu. 2.. n.Responsabilidá. SIN. chapeta, sen, sentíu, xacíu, xapeta, xeitu, xixa. ||Ye un escolón con munchu xuiciu. 3. n.Pleitu llegal. ||Pleitió col vecín y perdió'l xuiciu.

xulgar. v.Decidir lo que ta bien y lo que nun lo ta. SIN. creyer. FAM. prexulgar, xulgador-a, xulgamientu, xulgáu, xulgáu-ada-ao, xuiciu. ||Xulgo que nun ta bien fecho eso.

xuncir. v.Atar el xugu a los animales pal trabayu. SIN. xunir. VAR. xoncer. FAM. xuncidera, xuncidor-a, xuncidura, xuncimientu, xuncíu-ida-ío. ||Xunció los gües al aráu.

xunetu. n.Mes númberu siete del añu. Tamién se-y llama'l mes de la herba. SIN. xuliu, xumellín, xunicu, xunu postreru. ||En xunetu tengo vacaciones.

xunglu. n.Planta de tueru llisu y acabáu en punta. Xorrez nos llugares llentos, nes lleres. VAR. xunclu. FAM. xungla, xunglar, xunglera, xunglín. ||Con xunglos fixi un cestu.

xunir. 1. v.Xuntar dos o más coses faciendo un tou con elles. SIN. amestar, mecer. ||Xunimos les dos sábanes y quedómos una grandona. 2.. v.Xuncir, allegar una cosa a la otra, lo mesmo nel planu físicu que nel moral. SIN. xuncir, xuntar. ||Xunímosnos toos na danza prima. FAM. xunión, xuníu-ida-ío.

xuntar. v.Axuntar. ||Xuntái les mese pa trabayar meyor.

xunu. n.Mes númberu seis del añu. ||San Xuan ye nel mes de xunu.

xunxurir v.Quexase de siguío. FAM. xunxurión-ona-ono, xunxuriu. ||Taba tan disgustáu que xunxuría ensin posa.

xurgar. v.Rebuscar. SIN. escarbicar, escazar, maricar. ||Nun xurgues ente'l morgazu.

xuru: de xuru. espresión. Con seguridá, ensin dulda. ||De xuru que vien güei.

xusticia. n.Manera correuta de dar a caún lo que-y correspuende. FAM. inxustu-a-o, xuntamente, xusticieru-a-o, xusteza, xustu-a-o. ||La xusticia ye de toos.

xustificar. v.Demostrar con pruebes una cosa. SIN. probar. FAM. inxustificable, xustificable, xustificación, xustificador-ora-oro, xustificante. ||Tienes que xustificame por qué llegues tan tarde.

xustu-a-o. 1. ax. Que fai les coses con xusticia. SIN. reutu-a-o. ANT. inxustu-a-o. ||El xuez foi xustu na sentencia. 2. ax. Que ye la cuenta, que nin-y falta nin-y sobra. SIN. exautu-a-o, precisu-a-o. ANT. imprecisu-a-o, enexautu-a-o. ||Esta pina fixo quedar xusta la pata'l bancu.

quira · Publicado: Jue Oct 20, 2005 12:38 pm **Asunto**:

Y

y. Lletra vixésimocuarta del abecedariu asturianu.

y. conx. copulativa que val pa xunir dos pallabres o frases con sen afirmativu. ||Marcelo comió fabes y Conchi cenó hominos.

ya. conx. copulativa que val pa xunir pallabres o frases con sen afirmativu. ||Xabel xuega al fútbol ya Inés toca la guitarra.

yá. alv. Agora, nesti momentu. ||¿Lleguesti yá, Xuan?

yedra. n.Hedra. ||Hai que llimpiar la yedra que va desfacer el muriu.

yegua. n.Fema del caballu. SIN. burra. ||Lleva la yegua al monte.

yema. n.Parte mariella que ta metanes el güevu de les aves. ||Los tocinoa de cielu faense con yemes.

yerba. n.Planta y conxuntu de plantes que crecen nos praos. VAR. herba. FAM. yerbazal, yerbabuena, yerbaceru, yerbatu, yerberu-a, yerbizu, yerboleru-a-o. ||Segamos la yerba cola gadaña.

yerbatos. 1. n.Yerbes melecinales. VAR. herbatos. ||Fuimos a yerbatos pal reuna. 2. n.Yerba que nun s'aprvecha. ||Hai qu'arrincar estos yerbatos.

yopron. personal de primera persona. Funciona como suxetu na oración. VAR. you. ||Yo soy más altu que tu.

quira · Publicado: Jue Oct 20, 2005 2:57 pm **Asunto**:

Z

z. Lletra vixesimoquinta y cabera del abecedariu.

zabarciar. v.Vender en pequeñes cantidaes lo que se mercó primero, xeneralmente frutes. VAR. zabardiar. FAM. zabarceru-a-o, zabarciáu-ada-ao. ||Tuxa anda zabarciando pelo pueblos.

zainu-a-o. ax. Traidor, falsu. SIN. llaín-a-o, falsu-a-o, rapiegu-a-o. ||¡Mira que yes zainu!

zancadiella. n.Aición d'echar la pierna delantre d'otru pa facelu zarapicar. VAR. zancabiella, zancanía, zancaniella. ||Al paar corriendo per delantre Xuacu, echómos la zancadiella.

zapalastrón-ona-ono. ax. Mal vistíu y descuidáu nel aséu. SIN. axixilistráu-ada-ao, esfarxoláu-ada-ao, xixilistrón-ona-ono, xostrón-ona-ono. ||Tuto ye un zapalastrón.

zapateru-a. n.Persona que fai y arregla zapatos. VAR. zapateiru-era. ||Llévame estes botes al zapateru pa pone-yos un tacón.

zapatiella. n.Calzáu cómodo y llixero d'andar per casa. ||Pel mio cumpleaños regaláronme unes zapatielles.

zapatu. n.Pieza de calzáu xeneralmente zarrada. FAM. zapateru-a, zapatería, zapatiar, zapatazu, zapatiella. ||Tienes que llipiar los zapatos.

zarapicar. v.Zapicar, tropezar. FAM. zarapicadura, zarapicamientu, zarapicáu-ada-ao. ||Nun pongas les madreñes, qu'andes tol día zarapicando.

zarracina. n.Pelea, reña ente munchos con abundu xaréu. SIN. amarraza, engarradiella, griesca. ||Armóse una zarracina y fendieron tolos bancos.

zarramicar. v.Abrir y zarrar los párpagos d'un mou repetíu. SIN. ceguñar, parpaguiar. FAM. zarramicador-ora-oro, zarramicadura, zarramicamientu, zarramicáu-ada-ao, zarramicu. ||Lin nun debe ver bien porque nun fai más que zarramicar los güeyos.

zarrar. v.Trancar el pasu, tapar daqué nun dexando salida. SIN. pesllar, trancar. VAR. ciarrar. FAM. zarrador-ora-oro, zarradura, zarramientu, zarráu-ada-ao. ||¿Zarramos la puerta?

zoolóxicu. n.Llugar onde hai munchos animales montesinos pa que los vea la xente. ||Tovía nun vi l'osu que traxeron pal zoolóxicu.

zorramplu-a-o. ax. Foín, raposu. SIN. llaín-ina-ino, rapiegu-a-o. FAM. azorrar, azorráu-ada-ao, azorretar, zorru-a-o. ||Nun seyas zorramplu y cuéntame la verdá.

zorru-a-o. ax. Foín, raposu. VAR. llaín-ina-ino, rapiegu-a-o, zorramplu-a-o, zorrucu-a-o. ||¡Anda!, nun seyas zorru y sácalo del bolsu.

zreza. n.Frutu de la zrezal, redondu y encarnáu. Ye persabrosu. VAR. cereza, zreiza. FAM. zrezal, zrezaleru. ||Coyí un calderáu de zreces y Ana comióles toes.

zrezal. n.Árbol que da zreces. VAR. zreixal, zreizal, zreizar. ||¿Inxertasti la zrezal como te dixeren?

zubar. v.Llarber, chupar daqué. SIN. llamber, rellamber. FAM. zubador-ora-oro, zubadura, zubamientu, zubáu-ada-ao. ||Los osos zuben les uñes cuando cueyen un caxellu con miel.

zucar. v.Dar golpes el xato pa mamar. FAM. zucador-ora-oro, zucadura, zucamientu, zucáu-ada-ao. ||¡Mira cómo zuca la xata pequeñina!

zuecu. n.Zapatu de madera o de cueru cola suela de madera o corchu. ||En zuecos ándase perbién.

zumu. n.Sustancia líquida que se saca de la fruta y d'otros vexetales. SIN. xugu, zume. ||Daime un zumu de pera.

zuna. n.Costume d'una persona; manía. FAM. zuniegu-a-o. ||Coles zunes que tien, nun hai quien lu aguante.

zurdu-a-o. ax. Qu'emplega meyor la mano izquierda. ||Da lo mesmo ser diestra que zurda.

ACABÓSE

Mari · Publicado: Jue Oct 20, 2005 9:38 pm **Asunto**:

¡¡¡ quira !!! te felicito por tu extraordinario trabajo !!!
Ahora ( creo ) que se diseñará algo Rolling Eyes

para pasarlo pero solo el diccionario !! sin los mensajes que están incluidos en el.

¡¡¡ ORUX... QUIRA !!! FELICIDADES A LAS DOS,ORUX LO COMENZO Y TÚ QUIRA LO TERMINASTES !!!

Un abrazo a las dos !!! rosa

Mari

_________________
¡¡¡ PUXA ASTURIES !!!
LA CRUELDAD ES LA FUERZA DE LOS COBARDES.

Lety · Miembro Senior Registrado: Oct 21, 2003 Mensajes: 520

Gracias

a ambas ( Orux y Quira ) por el detalle y las "ganas" de aportar ese pedazo granito de arena con vuestro diccionario.

De parte de Adrian y mio, un beso beso

muy grande Wink

Josaurelio · Invitado

Copié tos los cachos de dicionáriu q mandaste y puselos tóos xuntos en PDF.

Tengo pensao publicalos en la páxina del Centro Asturiano de São Paulo - Brasil (donde vivo). ¿Autorizaisme? ¿Quien tién q autorizar?

Si quereis, puedo mandar una cópia de como quedó.

Si quereis mas informaciones, josaurelio@ig.com.br

Josaurelio

Invitado · Publicado: Lun May 22, 2006 7:55 pm **Asunto**:

Enhorabuena, collácios!! Shocked

Vaya bon trabayu habéis fecho col dicionáriu.

Siguir asina. Estes coses faen muncho pol Asturianu. Very Happy

Saludos!

!

Invitado · Publicado: Mar Sep 12, 2006 6:08 pm **Asunto**:

Lio · Publicado: Jue Jul 02, 2009 5:27 pm **Asunto**:

Bueno, lo primero admirarme del curro de escribir todo o casi todo el diccionario en el foro, INCREIBLE!! y muy útil, por lo menos para mi o gente que como yo tenemos un bable muy deficitario (por eso escribo en castellano :-p)
Y lo segundo una consulta, qué quiere decir braera?? "...braerá identidá."
Gracias Smile

_________________
"Educad a los niños y no será necesario castigar a los hombres"
-Pitágoras-

Mari · Publicado: Jue Jul 02, 2009 6:31 pm **Asunto**:

Lo siento Lio Confused

no se el bable por lo cual no se el significado de ... braerá identidá

Un saludo.
_________________
¡¡¡ PUXA ASTURIES !!!
LA CRUELDAD ES LA FUERZA DE LOS COBARDES.