en el puelu de berodia

tiby · Publicado: Dom Mar 12, 2006 12:33 am **Asunto**: en el puelu de berodia

En el puelu de Berodia
Suena infernal algazara
Que güelve tochu al que tenga
La cholla más asentada.
Pe' lli lloqueros y latas,
Suenan aculla almireces,
Los cazos andan en danza;
Y en tantu, mozos y críos
Y alguna qu' otra rapaza
Dando gritos y achillidos,
Risas, voces y palmadas,
Allumbrándose con velas
Metidas en calabazas
Juracadas per un llau
Qu' al más animosu plasman,
Andan recurriendo 'l puelu
Á las dos de la mañana.
¿Qué mil demontres acurre?
¿Qué diañes e lo que pasa
En mio pacíficu puelu
P' andar tan juera del agua
No solu mozos y críos
sinó tamién las rapazas?
¡Ay, recoya, el no acertar
Jora grande rozinada!
É qu' el tíu Trifón el tuertu,
De tres anuncias se casa
Con Tecla que ya enviudó
De Xuanón el de la Páxara ,
Por eso todos los mozos,
Los críos y las rapazas
Arman tal algarabia
Como si el llugar arriara;
Y en esta despusición
Allegaren xunta casa
De la novia, soponiendo
Que Trifón la 'compañaba,
Con propósitu de dayos
Una güena serenata.

II.

-¡Ay, Trifón, Trifón queridu!
¿Ay, Trifón de la mío a ma,
Los demontres del infiernu
Allegaren xunta casa.
-¡Ay, Tecla, Tecla querida,
Ay, Tecla, Tecla estimada.
Esto qu' agora asucede
De fiju lo barruntaba;
Qu' el diablu no tien que jer
En 'onde está esa canalla,
¡Y quiera Dios que con bien
Llibremos, jiya del alma!
-¿Habían de propasase
Á colar dientro de casa?...
-Esos pillos de rapaces
Á más qu' eso se propasan;
Pues es día que casóse
El Miruellu y mio cuñada,
La que joy muyer de Pachu,
(Qu' esté 'n güen llugar so alma),
Coxólos una catierva
De mozos sin aducancia,
Metiólos dientro d' un carru
Y llevólos á las Llanas*
Á muyalos en un pozu
Pa qu' en elli refriescaran...
-¡La Virxen de la Salú
Nos llibre de tal disgracia,
Que si eso jacen con nos
De xuru qu' á mi me matan!
-¿Jacelo con nos?... ¡Recoya!
¡Eso tan solu faltaba!...
Pero no, querida Tecla,
Puedes estar descudiada,
Qu' anque ero vieyu setenu,
Tengo travesada l' alma
Y tengo el jégadu y bazu,
El polmón, ó la corada
Aquí, amira, n' esti pechu
Que por naide s' acobarda.
¡Y viva Dios que la groma
Resulta groma pesada,
Y dalgún puede que lleve
Pa 'rascar una semana!...
-Ay, Trifón, ¿qué vas a jer?
¡Ten por Dios susiegu y calma!...
-¿Qué vo á jer?... No m' asujetes;
Vo a dayos una escagacia
Que los va llevar el diablu
Cuantu mi güelan las barbas.
-¡Ay probe de mi contigo!
¡Ay, triste y desconsolada,
Que te mi van á matar
Si sales solu de casa!

Llora Tecla y s' arrepela
Y ponse jecha una llástima
Y no e quién d' asujetar
Á Trifón, que se i escapa
Pe la puerta, con un palu
Más llargu qu' una guiyada.
Asina que los rapaces
Sienten dar la portalada,
Piescan todos á correr
Como si tevieran alas;
Qu' el miedu jaz ser lixeras
Á las piernas mas pesadas.

III.

-Querida Tecla, aquí estó,
Aquí me tienes, mochacha,
Enxuga al puntu los güeyos
Y amira bien y arrepara
Cómo vengo tou enteru,
Sin una mala puñada,
Sin el más chicu arrescuñu
Y co las costiellas sanas...
¡Y eso qu' acabo de jer
Una que va ser sonada!...
-¿Qué jecisti?... ¿No me asustes!...
_¿Qué jeci?... Pues cuasí nada...
Cuantu de Dios amenaza
No van á jolgar las andas,
Ni tampocu el sancristán
Jalando de la campana,
Porque Xicón, el mejor
Jiyu de Toña Torgada ,
Queda tendidu n'esquina
D' un palu que-i dí, en mios ansias
De jacer un escarmientu,
De jacer una sonada;
Era malu, así pagó;
Quien mal anda, mal acaba

IV.

Apenas al paxarín
Oyó cantar la alboriada,
Dexa Trifón el so lechu
Sin maldita la galvana
Y va ver qué joy del probe
Xicón el de la Torgada ,
Si tien resuellu entovia
Ó si ya espurrió la pata;
Busca n' un llau, busca n' otru
Soba los güeyos y... ¡nada!
No alcuentra muertu á Xicón
El jiyu de la Torgada ...
Mas, sí jallo el disgraciau
En suelu la mejor vaca
Que tenía n' el rebañu
Jecha la probe una llástima,
(Tantu, qu' el mesmu Cuayau
No joy capaz de sanala);
Traía los cuernos rotos,
Las patas de 'tras quebradas,
La rabadilla partida
Y además descaderiada,
Sin cuntar con qu' en so cuerpu,
No había costiella sana.
Tan juertes joren los palos
Qu' apurrió á la probe vaca
Trifón, la noche anterior
Ciegu de coraxe y rabia,
Piensando que dab' al jiyu
de Toñona la Torgada .

** Publicado en El Oriente de Asturias el 7-5-1899.

JOSE ORTIZ....

UN ABRAZOTEE Wink

TIBY
_________________
EL LUGAR MAS SOLITARIO DEL MUNDO ES EL CORAZON HUMANO DONDE NO HAY AMOR..